ಶಕ್ತಿ ನಕ್ಷತ್ರ - ಇತಿಹಾಸದ ವಜ್ರ

ಶಿವಕುಮಾರ (ಉದಯಶಿವ)

ಹುಟ್ಟು ಸಾವಿನ ಗುಟ್ಟನ್ನು ತಿಳಿಸಿದ ಆ ನನ್ನ ಭಗವಂತನಿಗೆ. ಹುಟ್ಟು ಸಾವಿನ, ನಡುವಿನ, ನಂಟಿನ, ಬದುಕಿನ, ಗುಟ್ಟಿನ, ತಿಳಿಯನ್ನು ತಿಳಿಸುವ ಮಠಾಧೀಶ ಪರಮ ಪೂಜ್ಯ ಗುರುಗಳಿಗೆ. ಜಗದುದ್ದಕ್ಕೂ ಸಮಾನತೆಯ ಸಾರಿದ ಸಂವಿಧಾನ ಶಿಲ್ಪಿ, ಸಂವಿಧಾನ ರತ್ನ ಡಾ|| ಬಿ.ಆರ್. ಅಂಬೇಡ್ಕರ್ ಅವರಿಗೆ. ಕಲಾ ಸ್ಫೂರ್ತಿ ನೇಸರ ಡಾ॥ ರಾಜ್‌ಕುಮಾರ್ ಅಪ್ಪಾಜಿಯವರಿಗೆ. ಕಲಾ ಪೋಷಕಿ, ಕಲಾ ಮಾತೆ, ಪಾರ್ವತಮ್ಮ ರಾಜ್ ಕುಮಾ‌ರ್ ಅಮ್ಮನವರಿಗೆ. ಕಾಣದ ಲೋಕದಲ್ಲಿ ನನ್ನ ತಬ್ಬಲಿ ಮಾಡಿ ಹೋದ, ನನ್ನ ಪ್ರೀತಿಯ ಅಮ್ಮನಿಗೆ. ನಿದ್ದೆಯ ಅಮಲಿನಲ್ಲಿ ನನ್ನ ಹೆಸರ ಕನವರಿಸುವ, ನನ್ನ ಪ್ರೀತಿಯ ಅಪ್ಪನಿಗೆ. ವಿದ್ಯೆ ಬುದ್ದಿ ಕಲಿಸಿದ ನನ್ನ ಗುರು ಹಿರಿಯರಿಗೆ. ಕಣ್ಣ ರೆಪ್ಪೆಯಂತೆ ನನ್ನ ಪೋಷಿಸಿದ ನನ್ನ ಪ್ರೀತಿಯ ಅಣ್ಣನಿಗೆ. ಮಾತೃ ವಾತ್ಸಲ್ಯ ತೋರಿದ ಪ್ರೀತಿಯ ಅತ್ತಿಗೆಗೆ. ಕಷ್ಟಕ್ಕೆ ಸ್ಪಂಧಿಸಿದ ಸಕ್ಕರೆ ಮನಸ್ಸಿನ, ನನ್ನ ಅಕ್ಕರೆಯ ಅಕ್ಕಂದಿರಿಗೆ ನನ್ನ ಹೃದಯದ ಅಂತರಾಳದ ಅರಮನೆಯ ಕತ್ತಲೆಯಲ್ಲಿ, ಹೊಂಬೆಳಕ ದೀವಿಗೆಯ ಹಚ್ಚಿ ನಗುವ ನನ್ನಮ್ಮನ ಮುದ್ದು ಸೊಸೆಗೆ ಅಣ್ಣಾ ನಿನ್ನ ಜೀವನ ಚೆನ್ನಾಗಿರಲೆಂದು, ದೇವರಲ್ಲಿ ಹರಕೆ ಹೊತ್ತ ಮುದ್ದು ಮನಸ್ಸಿನ ತಂಗಿಯಂದಿರಿಗೆ. ಬದುಕಲ್ಲಿ ಬದುಕಲು ಹಠ, ಛಲ, ಸಮಯ ಪ್ರಜ್ಞೆಯನ್ನು ತುಂಬಿದ ನನ್ನ ಪ್ರೀತಿಯ ಮಾವಂದಿರಿಗೆ." ಕಷ್ಟಗಳ ಮರೆಸಿ, ನಗುವ ತರಿಸಿದ ನನ್ನ ಎಲ್ಲಾ ಪ್ರೀತಿಯ ಗೆಳೆಯರಿಗೆ. ಕಲೆಗೆ ಪ್ರೋತ್ಸಾಹ ಕೊಟ್ಟ ಪ್ರೀತಿಯ ಅಭಿಮಾನಿ ದೇವರುಗಳಿಗೆ ಓದುವ ಪರಂಪರೆಯನ್ನು ಉಳಿಸುವ ಓದುಗ ದೊರೆಗಳಿಗೆ.

ಅನ್ನ ಕೊಟ್ಟ ನನ್ನ ಪುಣ್ಯ ಭೂಮಿ, ನನ್ನ ಭಾರತ ದೇಶಕ್ಕೆ. ನೆಲೆಕೊಟ್ಟ ನನ್ನ ಕಲ್ಪವೃಕ್ಷ, ಕರ್ನಾಟಕ ರಾಜ್ಯಕ್ಕೆ. ತೊದಲು ಸಾಹಿತ್ಯ ಕಲಿಸಿದ, ನನ್ನ ಕನ್ನಡ ಮಾತೃ ಭಾಷೆಗೆ. ನಾವು ನಿಶ್ಚಿಂತೆಯಿಂದ ಉಸಿರಾಡಲು ಅವಕಾಶ ಮಾಡಿಕೊಟ್ಟ, ನಮ್ಮ ಭಾರತ ದೇಶದ, ನನ್ನ ಪ್ರೀತಿಯ ವೀರ ಯೋಧ ಸಹೋದರರರಿಗೆ. ನಮ್ಮ ಹಸಿವ ಧಣಿವ ಮರೆಸಿದ. ನನ್ನ ಪ್ರೀತಿಯ ರೈತ ಬಾಂಧವರಿಗೆ. ನಮ್ಮ ಕಾಯ ಆಯಾ ತಪ್ಪಿದಾಗ, ನಮ್ಮ ಕೈ ಹಿಡಿದ ನನ್ನ ಪ್ರೀತಿಯ ಶುಶ್ರೂಕಿ ಬಾಂಧವರಿಗೆ ಹಾಗೂ ವೈದ್ಯ ದೇವರುಗಳಿಗೆ. ನನ್ನ ದೇಶದ ಕೊಳೆಯ ತೊಳೆದು, ನಗುವ ಕಳೆಯ ತರುವ, ನನ್ನ ಪ್ರೀತಿಯ ಕಾರ್ಮಿಕ ಬಂಧುಗಳಿಗೆ. ಬಡವರ ಮಕ್ಕಳಿಗೆ ಅನ್ನ ನೀರು ಬಟ್ಟೆ ವಸತಿ ನಿಲಯ ಕಲ್ಪಿಸಿಕೊಟ್ಟ, ದೇವರಾಜು ಅರಸು ಅವರಿಗೆ ಮತ್ತು ಕೇಂದ್ರ ಸರ್ಕಾರಕ್ಕೆ ಮತ್ತು ಕರ್ನಾಟಕ ರಾಜ್ಯ ಸರ್ಕಾರಕ್ಕೆ. ಸತ್ಯ ಅಸತ್ಯಗಳ ಶೋಧಿಸಿ, ನ್ಯಾಯವನ್ನು ಕೊಡಿಸುವ ನ್ಯಾಯಗಾರ ದೃಶ್ಯ ಮಾಧ್ಯಮಕ್ಕೆ. ಸತ್ಯ ಅಸತ್ಯಗಳ ಶೋಧಿಸಿ, ನ್ಯಾಯವನ್ನು ಬರೆಯುವ ನ್ಯಾಯಗಾರನ ಲೇಖನಿಯ ಖಡ್ಗ ಪತ್ರಿಕೋದ್ಯಮಕ್ಕೆ. ಸತ್ಯ ಅಸತ್ಯಗಳ ಶೋಧಿಸಿ, ನ್ಯಾಯವನ್ನು ರಕ್ಷಿಸುವ, ವಕೀಲರು ಬಂಧುಗಳಿಗೆ ಹಾಗೂ ಪೂಜ್ಯ ನ್ಯಾಯಾಧೀಶರುಗಳಿಗೆ. ಸತ್ಯ ಅಸತ್ಯಗಳ ಶೋಧಿಸಿ, ನ್ಯಾಯವನ್ನು ರಕ್ಷಿಸುವ, ಎಂಥಾ ಸಮಯದಲ್ಲೂ ನಮ್ಮೊಂದಿಗೆ ದಿಟ್ಟ ಹೆಜ್ಜೆ ಇಟ್ಟು ನಿಲ್ಲುವ, ಸಿಂಹಸ್ವಪ್ನ ಕರ್ನಾಟಕ ರಾಜ್ಯ ಆರಕ್ಷಕ ಬಂಧುಗಳಿಗೆ ಹಾಗೂ ಎಲ್ಲಾ ಅಧಿಕಾರಿ ಬಾಂಧವರುಗಳಿಗೆ. ಕನ್ನಡ ಮಣ್ಣಿನ ಶ್ರೀಗಂಧದ ಕಂಪನ್ನು ಜಗದುದ್ದಕ್ಕೂ ಸಾರಿದ, ಕನ್ನಡ ಮಣ್ಣಿನ ಸಾಹಿತ್ಯ ರತ್ನಗಳಿಗೆ ವಂದಿಸುತ್ತಾ. ವಿನಯ ಪೂರ್ವಕವಾಗಿ ಬಹು ಪ್ರೀತಿಯಿಂದ, ಈ ನನ್ನ ಮೊದಲ ಕೃತಿಯನ್ನು ನಿಮಗೆ ಅರ್ಪಿಸುತ್ತಿದ್ದೇನೆ.